Türkiyə Egeydəki adalara enməyə hazırlaşarkən gərginlik artır

Yunan mənbələrinin məlumatına görə, Türkiyə Egey dənizinin şərq hissəsindəki insan yaşamayan adalara və qayalara eniş etməyə hazırlaşır. 
 

Qazet.az xəbər verir ki, Yunanıstanın MEGA telekanalında yayımlanan məlumata görə, Türkiyə xüsusi təyinatlıları oktyabrın 10-dan 21-dək Egey dənizinin qayalıqlarında silsilə təlimlər keçirməyi, daha sonra isə onların üzərinə eniş etməyi planlaşdırır.

Telekanal həmçinin bildirir ki, İzmir sahillərində və Egey dənizində qayalıq adalarda yerləşdirilən Türkiyə xüsusi təyinatlı birliklərinə “Yunan adalarını işğal etmək” üçün lazım olan taktika təlimi keçiriləcək.

Təlimlərin gecə-gündüz və hava şəraitindən asılı olmayaraq davam edəcəyi bildirilir.