Türkiyə parlamentinin sədri İsveçin Baş naziri ilə görüşüb
Türkiyə Böyük Millət Məclisinin sədri Mustafa Şəntop İsveçin Baş naziri Ulf Kristersonla görüşüb.
Qazet.az xəbər verir ki, o, bu barədə "tviter"də yazıb.
Onun sözlərinə görə, görüş zamanı NATO-nun genişləndirilməsi məsələsi müzakirə olunub, həmçinin terrorla mübarizə sahəsində nəticələrin əldə olunmasının vacibliyi vurğulanıb:
"Türkiyə 70 ildir NATO-nun gücünü qoruyan iki hərbi gücdən biridir. Bir çox Avropa ölkəsindən fərqli olaraq, Türkiyənin NATO-dakı mövcudluğu simvolik xarakter daşımır. Türkiyə Alyansa təhlükəsizlik dəstəyi verən ölkədir".
Türkiyə Böyük Millət Məclisinin sədri İsveç və Finlandiyanın NATO-ya üzvlüyünün ən qısa zamanda uğurlu nəticələrlə həll olunacağına ümidini ifadə edib.
İsveç Başbakanı Ulf Kristersson ve beraberindeki heyeti Meclisimizde kabul ettik. Görüşmemizde Türkiye olarak NATO'nun genişleme politikasına olumlu yaklaştığımızı ancak terörle mücadele alanında somut ve sonuç alıcı adımlara ihtiyaç olduğunu bir kez daha vurguladık. pic.twitter.com/FGCfkxYXxb
— Mustafa Şentop (@MustafaSentop) November 8, 2022