"Türkiyə Prezidentinin səfəri əlaqələrimizin möhkəmlənməsi üçün daha bir addımdır" - Türkiyə PA

Türkiyə Prezident Administrasiyası Ərdoğanın Azərbaycana səfərini qiymətləndirib

Türkiyə Prezidenti Rəcəb Tayyib Ərdoğanın Azərbaycana səfəri əlaqələrimizin möhkəmlənməsi üçün daha bir addımdır. 

Qazet.az xəbər verir ki, bu barədə Türkiyə Prezident Administrasiyasından (PA) bildiriblər.

Administrasiyadan qeyd olunub ki, R.T.Ərdoğanın bugünkü səfəri Azərbaycana son bir il ərzində üçüncü səfərdir:

“Məlum olduğu kimi Prezident R.T.Ərdoğan bölgənin iqtisadi inkişafı üçün çox önəmli olan Füzuli havalimanının açılışında da iştirak edəcək. Azərbaycan və Türkiyə bu günə qədər bölgənin rifahı və iqtisadi baxımdan güclənməsi üçün birgə çalışıblar”.

Bildirilib ki, Türkiyə bundan əvvəl Azərbaycana göstərdiyi dəstəyi, bundan sonra da davam etdirəcək.

Mənbə