Türkiyədə KRİTİK DURUM: Ankara-İstanbul yolu bağlandı

Sinoptiklər yaxın günlərdə havanın daha da pisləşə biləcəyi barədə xəbərdarlıq edirlər

Ankara ilə İstanbulu birləşdirən pullu avtomobil yolunun bir hissəsi hava şəraitinin pisləşməsi ilə əlaqədar bağlanıb.

Qazet.az "TRT Haber"ə istinadla xəbər verir ki, müvafiq qurumlar sürücülərin pulsuz, eləcə də Düzce-Gerede qəsəbələri arasında pullu yolun hissəsindən istifadəni qadağan edib.

Xatırladaq ki, Türkiyənin bir sıra bölgələrini, o cümlədən İstanbul və Ankaranı qar fırtınası cənginə alıb, bu da yollarda qəzaların sayının artmasına səbəb olub.

Sinoptiklər yaxın günlərdə havanın daha da pisləşə biləcəyi barədə xəbərdarlıq edirlər.