Türkiyədə ötən ay 73 terrorçu zərərsizləşdirilib

Sentyabr ayında Türkiyədə jandarmlar nəzarət etdikləri ərazidə 73 terrorçunu zərərsizləşdiriblər.

Qazet.az-ın xəbərinə görə, bu barədə Anadolu Agentliyi məlumat yayıb.

Bildirilir ki, əməliyyatlarda 165 odlu silah, 285000 güllə, 359 kiloqram partlayıcı maddə ələ və böyük həcmdə narkotik vasitə keçirilib.

Hesabat dövründə axtarışda olan 21 249 nəfər saxlanılıb, 300-dən çox itkin tapılıb.