Bakı 30˚C Mostly cloudy w/ showers

Üç ölkənin baş prokuroru Bakıya gəlir

Gündəm 19:58 31 okt, 2021

İclas çərçivəsində, həmçinin ikitərəfli və çoxtərəfli görüşlər də nəzərdə tutulub

Üç ölkənin baş prokuroru Bakıya gəlir

Noyabrın 1-də Bakıda Türkdilli Dövlətlərin Əməkdaşlıq Şurasına üzv Dövlətlərin Baş Prokurorları Şurasının ilk iclası keçiriləcək.

Qazet.az xəbər verir ki, bu barədə Baş Prokurorluq məlumat yayıb. Məlumata görə, iclas çərçivəsində, həmçinin ikitərəfli və çoxtərəfli görüşlər də nəzərdə tutulub.

Qeyd edək ki, iclasda iştirak edəcək Türkiyə, Özbəkistan və Qırğız Respublikalarının Baş Prokurorları, Qazaxıstan Respublikasının Baş prokurorunun birinci müavini, Türkdilli Dövlətlərin Əməkdaşlıq Şurasının baş katibinin müavini, Beynəlxalq Prokurorlar Assosiasiyasının Prezidenti və digər qonaqlar bugün Heydər Əliyev adına Beynəlxalq Hava Limanında qarşılanacaqlar.

Məlumat Baş Prokurorluğun Mətbuat xidməti tərəfindən təsdiq edilib.