Bakı 22˚C Sunny

Üçtərəfli sazişlərə əməl olunsa regionda dinclik və firavanlıq olar - Rusiyadan Ermənistana mesaj

Siyasət 20:32 21 sen, 2021

Rusiya Ermənistana təbrik məktubunda mesajlar verib

Üçtərəfli sazişlərə əməl olunsa regionda dinclik və firavanlıq olar - <span style="color:red">Rusiyadan Ermənistana mesaj</span>

Rusiya Prezidenti Vladimir Putin Ermənistanın müstəqilliyinin 30-cu ildönümü münasibətilə təbrik məktubu göndərib. 

Qazet.az xəbər verir ki, Baş nazir Nikol Paşinyana ünvanlanan məktubda Rusiya Federasiyasının başçısı bir neçə məsələyə toxunub. 

"Rusiya-Ermənistan münasibətləri dost, müttəfiqdir. Dövlətlərimiz arasında müxtəlif sahələrdə sıx əməkdaşlıq - AİB, KTMT və MDB çərçivəsində konstruktiv əməkdaşlıq qurulmuşdur. Əminəm ki, birgə səylərlə bütün sahələrdə ikitərəfli tərəfdaşlığı gücləndirməyə bundan sonra da davam edəcəyik", - deyə Putin bildirib. 

O, həmçinin onu da qeyd edib ki, Ermənistanı üzləşdiyi problemlərdən yalnız Azərbaycan və Rusiya ilə birgə imzaladığı üçtərəfli bəyanat xilas edəcək:

"Bu gün Ermənistan ciddi problemlərlə üzləşir. Noyabr və Yanvar üçtərəfli sazişlərinin ən yüksək səviyyədə, ardıcıl şəkildə həyata keçirilməsinin ölkənizin və bütün Zaqafqaziya regionunun dinc və firavan inkişafını təmin edəcəyini düşünürük". /Unikal.org