Ukrayna Gürcüstana verdiyi raket sistemlərini geri istəyir

Ukrayna 2008-ci il müharibəsi zamanı Gürcüstana verdiyi “Buk” zenit-raket komplekslərini geri istəyir.

Qazet.az xəbər verir ki, bu barədə Ukraynanın Gürcüstandakı müvəqqəti işlər vəkili Andrey Kasyanovu bildirib.

Kasyanov vurğulayıb ki, Ukrayna ABŞ-ın Gürcüstana təhvil verdiyi “Javelin” tank əleyhinə sistemlərini də xahiş edib.

Ukrayna mətbuatı üçün yazdığı məqalədə o qeyd edir ki, rəsmi Kiyev bütün beynəlxalq tərəfdaşlara, o cümlədən Gürcüstana silah, hərbi texnika və döyüş sursatının verilməsi ilə bağlı müraciətlərində ardıcıldır və Rusiyanın Ukraynaya genişmiqyaslı işğalının lap əvvəlində silaha həyati ehtiyac duyduğunu açıq şəkildə bəyan edib.