Bakı 20˚C Sunny

Ukrayna Rusiya ilə sərhədini gücləndirir - Müharibə ola bilər?

Gündəm 12:12 17 sen, 2021

Sərhəd xətti boyunca 30-50 metr genişlikdəki mülklər invertara keçirilib

Ukrayna Rusiya ilə sərhədini gücləndirir - <span style="color:red">Müharibə ola bilər?</span>

Ukrayna müharibə ehtimalına qarşı Rusiya ilə sərhədi gücləndirməyə başlayıb.

Qazet.az "Qafqazinfo"a istinadən xəbər verir ki, bu barədə Ukrayna Dövlət Sərhəd Xidməti məlumat yayıb.

Bildirilib ki, ölkənin təhlükəsizliyini təmin etmək məqsədi daşıyan infrastruktur inşaatı işləri Sumı bölgəsində mühəndislik qrupları tərəfindən aparılır.

Sərhədə yerləşdirilən xüsusi hərbi təchizat sərhəd mühafizəçilərinin nəzarəti altında müdafiə üçün xəndəklər qazmağa başlayıb.

"İstehkamlar sərhəd təhlükəsizliyini artırmaqla yanaşı, silahlı hücum olacağı halda, düşmənin hərəkətini məhdudlaşdırır", - məlumatda deyilir.

Bundan başqa, qeyd olunub ki, sərhəd xətti boyunca 30-50 metr genişlikdəki mülklər invertara keçirilib. Bu mülklər mühəndis-istehkam obyektləri üçün istifadə olunacaq.