Ukrayna XİN Rusiyanın müharibədə yeganə üstünlüyünü açıqlayıb
Gündəm
11:26 25 iyn, 2022
Hadisələrin gedişatını öz xeyrimizə çevirə bilərik
Rusiyanın Ukraynaya qarşı müharibədə yeganə üstünlüyü artilleriyadır. Ona görə də Almaniya və digər Qərb ölkələri Ukraynaya ağır silahların verilməsini sürətləndirməlidir.
Qazet.az xəbər verir ki, bu fikirləri Ukraynanın xarici işlər naziri Dmitri Kuleba Almaniyanın “Bild” qəzetinə bildirib.
"Onların artilleriya sahəsində üstünlüyü var və bundan maksimum istifadə edirlər, ağır silahlar və müasir artilleriya sistemləri əldə etsək, hadisələrin gedişatını öz xeyrimizə çevirə bilərik", - Kuleba deyib.
Nazir vurğulayıb ki, Ukrayna ordusunun sovet silahları tükəndiyi üçün çoxsaylı reaktiv yaylım atəşi qurğuları və 155 millimetrlik artilleriya sistemlərinin tədarükü vacibdir.