Ukraynadan növbəti ərzaq karvanı yola düşdü

Ukrayna taxıl dəhlizi çərçivəsində daha 140 min ton kənd təsərrüfatı məhsullarını beynəlxalq bazarlara göndərib.

Qazet.az xəbər verir ki, Ukraynanın İnfrastruktur Nazirliyindən bildirilib ki, ərzaq Afrika, Asiya və Avropa ölkələrinə daşınır.

Məlumata görə, Odessa və Yujnı limanlarından kənd təsərrüfatı məhsulları ilə yüklü 4 gəmi çıxıb.

Daşıyıcılar arasında Keniyaya 53,3 min ton buğda tədarük edəcək “Eaubonne” gəmisi də var. Bu, ölkəyə göndərilən ikinci gəmidir. “Super Henry” gəmisilə çatdırılan ilk 51,4 min ton buğda artıq bu gün Mombasa limanında boşaldılıb.