Vaşinqton metrosunda qatar relsdən çıxıb

 Xəsarət alanlar barədə məlumat yoxdur

ABŞ-ın pyataxtı Vaşinqton şəhərinin "Arlinqton qəbiristanlığı" stansiyası yaxınlığında qatar relsdən çıxıb.

Qazet.az-ın məlumatına görə, bu barədə Vaşinqtonun Nəqliyyat İdarəsinin "Twitter" səhifəsində bildiriblər.

Məlumatda deyilir: "Arlinqton qəbiristanlığı" yaxınlığında qatarın relsdən çıxması səbəbindən [mavi xətdə - red.] hər iki istiqamətdə gecikmələr gözlənilir".

"NBC" telekanalının yerli şöbəsi bildirir ki, sərnişinlər bir saatdan artıq qatarda qalıblar. Hadisə yerində yanğınsöndürənlər işləyir və sərnişinləri stansiyadan çıxaracaqlar.

Hazırda adisə nəticəsində xəsarət alanlar barədə məlumat yoxdur.