Bakı 16˚C Windy

Vətən müharibəsində ermənilərin dağıtdığı məktəblərin çoxunda təmir-tikinti işləri yekunlaşıb

Cəmiyyət 16:52 16 sen, 2021

Dekabr ayı ərzində isə 32 məktəbin açılması planlaşdırılır

Vətən müharibəsində ermənilərin dağıtdığı məktəblərin çoxunda təmir-tikinti işləri yekunlaşıb

"Müharibə dövründə Azərbaycanda 45 məktəb zərər çəkib. Onlardan 36-da təmir və tikinti işləri yekunlaşıb. Digər məktəblərin təmir işləri davam edir".

Qazet.az "Report"a istinadən xəbər verir ki, bu fikirləri Təhsil Nazirliyinin Ümumi təhsilin təşkili və idarə olunması şöbəsinin əməkdaşı Elçin Kərimov "Media və təhsil dialoqu" mövzusunda keçirilən təlimdə deyib.

Nazirlik rəsmisi əlavə edib ki, Təhsil Nazirliyinin sifarişi ilə sentyabrın 15-dək 37 məktəbin açılışı olub: "Bu məktəblərdən 22-si birtipli, 15-i modul tiplidir. Dekabr ayı ərzində isə 32 məktəbin açılması planlaşdırılır. Onlardan 16-sı birtipli, 16-sı isə modul tipli məktəbdir".