Viktor Qasımov: "Təəssüf ki, tibb işçiləri arasında da saxta COVID pasportu verənlər var"

Peyvənd əhalinin sağlamlığı naminə lazımdır

Səhiyyə nazirinin müavini Viktor Qasımov saxta COVID-19 pasportu ilə bağlı məsələyə münasibət bildirib.

Qazet.az-ın xəbərinə görə, o, jurnalistlərə açıqlamasında qeyd edib ki, bu məsələ ilə bağlı hərtərəfli mübarizə getməlidir: “Təəssüflər olsun ki, tibb işçiləri arasında da belə şəxslər var ki, buna yol verir. Eyni zamanda tibb işçilərini də buna vadar edənlər var. Bu da bizim əhalimizdir. İşimizi ikitərəfli aparmalıyıq. Həm tibb işçilərinin məsuliyyətini artırmalıyıq, həm də əhalidən də xahiş edirik ki, bu yola getməsin. Peyvənd əhalinin sağlamlığı naminə lazımdır”.