Bakı 18˚C Partly sunny w/ showers

Vladimir Putinin Tacikistana səfərinin tarixi açıqlanıb

Gündəm 10:44 13 sen, 2021

Tacikistanın Xarici İşlər Nazirliyi məlumat yayıb

Vladimir Putinin Tacikistana səfərinin tarixi açıqlanıb

Rusiya Prezidenti Vladimir Putin sentyabrın 15-də Tacikistan Prezidenti Emomali Rahmonun dəvəti ilə Düşənbəyə səfər edəcək.

Qazet.az “Sputnik Tacikistan”-a istinadən xəbər verir ki, məlumatı Tacikistanın Xarici İşlər Nazirliyi yayıb.

Bildirilib ki, Vladimir Putinin Emomali Rahmonla təkbətək görüşü nəzərdə tutulub.

Məlumata görə, prezidentlər Düşənbə, Xocənd, Kulyab, Bohtar və Tursunzoda şəhərlərindəki rusdilli 5 məktəbin təməlqoyma mərasimində virtual olaraq iştirak edəcəklər.

Görüşün yekununda Rusiya və Tacikistan liderləri ikitərəfli əməkdaşlığın genişləndirilməsinə dair 10-dan çox sənəd imzalayacaqlar.