"WhatsApp"da yeni qayda: 2 gün 18 saat...
Yeni limitin yaxın zamanlarda həm “iOS”, həm də “Android” üçün açılacağı gözlənilir
Ani mesajlaşma proqramı “WhatsApp” hər gün yeni bir xüsusiyyət qazanır, köhnə funksiyalar isə maksimum səviyyədə yenilənir.
Onlardan biri “WhatsApp” vasitəsilə qarşı tərəfə göndərilən mesajların silinmə vaxtı ilə bağlıdır.
Qazet.az xəbər verir ki, “WhatsApp” əvvəllər 1 saat 8 dəqiqə 16 saniyə olan mesajların silinmə müddəti qaydasını 2 gün 12 saata qədər artırmaq qərarına gəlib.
Yeni limitin yaxın zamanlarda həm “iOS”, həm də “Android” üçün açılacağı gözlənilir.
Bu xüsusiyyət təkcə bunu əhatə etmir. “WABetaInfo”nun məlumatına görə, artıq qrup adminləri də qrupdakı iştirakçıların mesajlarını silə biləcəklər. “WhatsApp” bunu tədricən beta test istifadəçilərinə təqdim edir.
Xüsusiyyətin yaxın zamanda daha çox insana çatdırılacağı gözlənilir.