"WhatsApp"dan çoxlarını narahat edən funksiya: Geri qaytarmaq olacaq

"WhatsApp"ın gələcək funksiyası artıq mübahisələrə səbəb olub

Dünyanın ən məşhur mesajlaşma proqramlarından biri olan “WhatsApp”, yeni funksiyalarla istifadəçi təcrübəsini yaxşılaşdırmağa çalışır.

Qazet.az xəbər verir ki, bu yaxınlarda  platforma “mesajların redaktəsi” funksiyası üzərində işləyir. Ekran görüntüləri ilə görünən bu funksiyanın inkişaf mərhələsində olduğu bildirildi.

Bildiyimiz kimi, mesajlaşma proqramında mesajları silmək imkanı var. Bu funksiya "Hər kəs üçün sil" və ya "Mənim üçün sil" seçimləri ilə mesajları müəyyən müddət ərzində silməyə imkan verir.

Artıq yeni təqdim edilən funksiya ilə siz dostlarınıza sildikləri mesajları geri qaytarmağı tələb edə biləcəksiniz.

“WABetaInfo”nun məlumatına görə, “WhatsApp” əməliyyatı geri qaytarmağa imkan verən düymə üzərində işləyir. Bu xüsusiyyətin çox faydalı olacağı deyilir.

Məsələn, bir mesajı səhvən silsəniz, bu düymə sayəsində bu hərəkəti geri ala biləcəksiniz.

Paylaşılan skrinşotlarda funksiyanın tətbiqdə necə görünəcəyi və istifadəsi ilə bağlı məsləhətlər də açıqlanıb. WABetaInfo tərəfindən paylaşılan şəkildə mesajlar silindikdən sonra ekranın aşağı hissəsində 'Mesaj silindi' sözləri ilə bildiriş görünür.

Bu bildirişin tərəfində siz hərəkəti geri qaytarmağa imkan verən 'Geri Al' düyməsini görə bilərsiniz. 

Bu funksiyadan həm qrup mesajlarında, həm də fərdi mesajlarda istifadə etmək mümkündür. Bununla belə, geri düyməsinin silinmiş mesajlarda “Hər kəs üçün sil” funkası ilə işləyəcəyi bəlli deyil. Ekran görüntüsü yeni funksionallığın silinmiş mesajda "Menyudan sil" ilə birlikdə istifadə edildiyini göstərir.