"WhatsApp"dan mübahisəli yeni FUNKSİYA

Qrup söhbətləri ilə bağlı mübahisəli xüsusiyyət gəlir

Dünyanın ən məşhur mesajlaşma platformalarından biri olan “WhatsApp”  yeni xüsusiyyətləri ilə diqqət çəkməyə davam edir. Bu dəfə də “WhatsApp” qrup söhbətləri ilə bağlı mübahisəli funksiya üzərində işləyir.

Qazet.az xəbər verir ki, sözügedən funksiya hazırda sınaq mərhələsindədir. 

Bu funksiya “WhatsApp” qruplarındakı inzibatçılara başqa iştirakçının göndərdiyi mesajları silmək imkanı verəcək.

Yeni funksiya istifadəçilərdə çaşqınlıq yaradır. Funksiya gələrsə, “WhatsApp” qruplarındakı administratorlar qrupdakı istənilən iştirakçının göndərdiyi mesajları silə biləcəklər.

Silinmiş mesajların altında "İnzibatçı olaraq bu mesajı sildiniz" ifadəsi olacaq. Admin olmayan, lakin qrupda olan insanlar "Bu mesaj admin tərəfindən silinib" yazısını görəcəklər.

Qarşıdan gələn funksiya hazırda Android üçün “WhatsApp” beta v2.22.17.12-də sınaqdan keçirilir. Lakin bu funksiyanın ən qısa zamanda istifadəçilərə açılacağı bildirilir. Bənzər bir beta versiyasının “iOS” istifadəçiləri üçün hazırlanıb-hazırlanmadığı hələlik məlum deyil.

Eyni zamanda, “WhatsApp” bu yaxınlarda qrup söhbətləri üçün daha bir funksiyanı sınaqdan keçirdi. Belə ki, sınaqdan keçirilən xüsusiyyət qrupdakı insanlara son 60 gündə iştirakçıları görməyə imkan verəcək. 

Bu funksiyaya “Qrup məlumatı” bölməsindən daxil olmaq mümkün olduğu da vurğulanıb.