Bakı 26˚C Sunny

Xarici turistlər Rusiyaya turları kütləvi surətdə ləğv edirlər

Gündəm 15:02 02 noy, 2021

Kütləvi imtinaya səbəb Rusiyada noyabrın 7-dək davam edəcək tam qapanma rejimi və ondan sonra vəziyyətin necə olacağı ilə bağlı konkret məlumatların olmamasıdır

Xarici turistlər Rusiyaya turları kütləvi surətdə ləğv edirlər

Xarici turizm operatorları və müştərilər Rusiyaya yaxın günlər üçün nəzərdə tutulmuş turları ləğv edir və ya təxirə salırlar.

Qazet.az “RİA Novosti”yə istinadən xəbər verir ki, bu barədə Rusiya Turizm Operatorları Assosiyasının (ATOP) icraçı direktoru Mayya Lomidze məlumat verib.

Onun sözlərinə görə, kütləvi imtinaya səbəb Rusiyada noyabrın 7-dək davam edəcək tam qapanma rejimi və ondan sonra vəziyyətin necə olacağı ilə bağlı konkret məlumatların olmamasıdır.

O bildirib ki, hazırda ölkəyə əsas turist axını Birləşmiş Ərəb Əmirliklərindən (BƏƏ), Qətərdən, Hindistandan, həmçinin Almaniya, İsveçrə və Sloveniya kimi Avropa ölkələrindəndir.