Xarkovda partlayışlar, Zaporojyedə isə Rusiya texnikası karvanı hərəkət edir

Qazet.az Ukrayna mətbuatına istinadən xəbər verir ki, Xarkov sakinləri noyabrın 21-də axşam saatlarında şəhərin yaxınlığında partlayış səslərini eşidiblər.

Partlayışların episentrinin dəqiq harada yerləşdiyi hələlik bəlli deyil.

Bundan əlavə, Mariupol merinin müşaviri Petr Andryuşşenko bildirib ki, Rusiya texnikasının üçüncü böyük karvanı Zaporojye istiqamətində hərəkət edir, xüsusən, 25 tank, sursat və canlı qüvvəsi olan 15 KamAZ, üç zirehli transportyor.

"Yəni, Xersondan Zaporojye istiqamətinə gələn qoşunların köçürülməsinə başlanıldı. Hərbi texnika və silahların kolonnaları traktorlar vasitəsilə şəhərdən keçirilirdi. 100-dən çox bölmə Mariupoldan keçdi. Dəmir yolu və hərbi hissə olmadan qoşunların böyük bir şəkildə köçürülməsi qeydə alınıb", - Andryuşenko sosial şəbəkələrdə yazır.