Yaponiyada karantin tam ləğv olunub
Gündəm
22:12 30 sen, 2021
Hazırda Yaponiyada əhalinin 60 faizə yaxını tam peyvəndlənib.
![Yaponiyada karantin tam ləğv olunub](https://qazet.az/resized/fit900x500/center/pages/28075/5cbfa0e8-6681-4ead-a2e3-5102da74e469.jpeg)
Yaponiyada sabahdan, yəni oktyabrın 1-dən koronavirusa qarşı fövqəladə vəziyyət rejimi qüvvədən düşür.
Qazet.az xəbər verir ki, bununla yanaşı, ölkədə koronavirusa qarşı gücləndirilmiş tədbirlər rejimi də tam olaraq başa çatıb.
Yaponiyada fövqəladə vəziyyət rejimi 19 prefekturada (əyalətdə), nisbətən yumşaq olan fəal tədbirlər rejimi isə 8 əyalətdə tətbiq olunmuşdu. Bu ilin aprel ayında tətbiq olunmuş fövqəladə vəziyyət rejimi bir neçə dəfə uzadılıb.
Hazırda Yaponiyada əhalinin 60 faizə yaxını tam peyvəndlənib. Gündəlik yoluxma sayı avqust ayındakı 25 mindən 1128 nəfərədək azalıb.