Yaponiyada torpaq sürüşməsi nəticəsində 10 ev dağılıb

Yaponiyanın Yamaqata prefekturasının Suruoka şəhərində baş verən sürüşmə nəticəsində azı 10 ev dağılıb və ya ciddi ziyan dəyib.

Qazet.az TASS-a istinadən xəbər verir ki, bu barədə yerli NHK telekanalı məlumat yayıb.

Məlumata görə, sürüşmənin ümumi eni təxminən 100 metrə çatır.

Xilasedicilər hadisə baş verən ərazidə yaşayan azı iki nəfərlə əlaqə saxlaya bilmir. Daha iki nəfər isə xəstəxanaya çatdırılsa da, onların ciddi xəsarət almadığı bildirilir.