Yəməndə mina partlaması nəticəsində 3 nəfər ölüb

Yəmənin qərbindəki Hudeyda əyalətinin Hays rayonunda mülki vətəndaşlar minaya düşüb.

Qazet.az xarici KİV-lərə istinadən xəbər verir ki, hadisə nəticəsində 3 nəfər ölüb.
 

Səudiyyə Ərəbistanının rəhbərlik etdiyi koalisiya qüvvələri 2015-ci ilin mart ayından husilərə qarşı Yəmən hökumətinə dəstək verir.

Yəmən hökuməti və insan haqları hesabatlarına görə, 2014-cü ildə vətəndaş müharibəsi başlayandan bəri İranın dəstəklədiyi husilər ölkə daxilində 2 milyona yaxın mina basdırıb.