Yeni kralın şəkli olan pullar təqdim edildi

Britaniya Kral Sikkəxanası Böyük Britaniyanın yeni kralı III Çarlzın təsviri olan sikkələrin dizaynını təqdim edib.

Qazet.az xəbər verir ki, 50 penni dəyərində olan ilk dəmir pullar dekabrda dövriyyəyə buraxılacaq.

Ənənəvi qaydalara əsasən, monarxın profili sola - sələfinin baxdığı istiqamətin əksinə çevriləcək. Belə ki, III Çarlzdan əvvəl hakimiyyətdə olmuş monarxlar - Britaniya tarixində rekord 70 il 7 ay hakimiyyətdə olmuş Kraliça II Elizabetin profili sağa, onun atasının profili isə sola çevrilib.

Hazırda Böyük Britaniyada üzərində mərhum Kraliça II Elizabetin təsviri əks olunmuş 27 milyard sikkə dövriyyədədir.