Yevlaxda yol qəzasında 35 yaşlı kişinin beli sınıb

Yevlax rayonunun Səmədabad kəndində baş verən yol qəzasında 35 yaşlı kişinin bel fəqərəsi sınıb.

Qazet.az-ın məlumatına görə, iki avtomobilin toqquşması nəticəsində 1987-ci il təvəllüdlü Ələsgərov Ramiq Oktay oğlu xəsarət alıb.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona bel fəqərəsinin sınığı diaqnozu qoyulub.

Hadisənin təfərrüatı araşdırılır.