Yupiterin yeni görüntüləri

Dünyanın ən böyük və ən güclü kosmik teleskopu “James Webb” Yupiterin görünməmiş mənzərələrini üzə çıxarıb.

Qazet.az BBC-yə istinadən xəbər verir ki, "James Webb" Kosmik Teleskopu iyul ayında günəş sisteminin ən böyük planetinin şəkillərini çəkib.

Görüntülərdə astronomların "inanılmaz" kimi təsvir etdikləri auroralar, nəhəng fırtınalar və Yupiteri əhatə edən halqalar təfərrüatı ilə əks olunub.

Xüsusiyyətləri fərqləndirmək üçün infraqırmızı fotoşəkillər süni şəkildə rəngləndirilib.

Bunun səbəbi infraqırmızı işığın insan gözü üçün görünməməsidir.

Kaliforniya Universitetinin astronomu İmke de Pater hadisəni belə şərh edib: "Biz Yupiteri heç vaxt belə görməmişdik. Bu hal olduqca inanılmazdır".