"Yuventus" illər sonra pley-offa yüksələ bilmədi

İtaliyanın "Yuventus" klubu 9 ildən sonra UEFA Çempionlar Liqasında 1/8 final mərhələsinə vəsiqə qazana bilməyib.

Qazet.az-ın məlumatına görə, Massimiliano Alleqrinin baş məşqçi olduğu komanda qrup mərhələsinin V turunda Portuqaliyada "Benfika"ya 3:4 hesabı ilə uduzub.

Turin təmsilçisi son olaraq 2013/2014 mövsümündə uğursuzluqla üzləşib. "Yuventus" həmin vaxtdan sonra ardıcıl 8 mövsüm pley-offda iştirak edib.

Qeyd edək ki, H qrupunda 3 xalla 3-cü pillədə qərarlaşan "qoca sinyora" sonuncu turda Fransa PSJ-sini qəbul edəcək.