Bakı 22˚C Sunny

Yüzlərlə insanın həyatını xilas edən azərbaycanlı mükafatlandırıldı

Gündəm 13:41 18 sen, 2021

ABŞ-da azərbaycanlı yüzlərlə insanın həyatını xilas etdi, polis onu mükafatlandırdı

Yüzlərlə insanın həyatını xilas edən azərbaycanlı mükafatlandırıldı

 

ABŞ-ın Kaliforniya ştatında yaşayan azərbaycanlı Fərrux Məmmədov Kempbell Şəhər Polis İdarəsi tərəfindən xüsusi mükafat ilə təltif olunub.

Qazet.az xəbər verir ki, ölkənin yerli "ABC7" telekanalı ABŞ polisinin qəhrəman adlandırdığı azərbaycanlı haqqında süjet hazırlayıb.

Xəbər cinayətkarın hazırladığı terror planından və F.Məmmədovun həmin planı alt-üst edən qəhrəmanlığından bəhs edir. Belə ki, F.Məmmədov iyulun 9-da gecə yarısı müşahidə kamerasında gördüyü terrorçu barədə 911-ə zəng edərək ABŞ polisini məlumatlandırıb.

Hadisə yerinə gələn polis əməkdaşları kütləvi atəş planı hazırlayan təhlükəli cinayətkarı həbs edib.

Polisin qənaətinə görə, Fərrux Məmmədovun zəngi yüzlərlə insanın həyatını xilas edib.

Kempbell Şəhər Polis İdarəsi həmyerlimizə təşəkkürünü bildirib.