"Zəfər Günü" yürüşündən - FOTOREPORTAJ 08.11.2022

8 noyabr təqvimdə 2020-ci ilə qədər adi bir gün hesab olunsa da, Azərbaycan xalqının əzmi, ordunun qətiyyəti ilə bu rəqəm azərbaycanlıların yaddaşında zəfər simvolu olaraq həkk olundu.

Azərbaycan Silahlı Qüvvələri 30 ilə yaxın işğal altında olan Dağlıq Qarabağ və ona bitişik 7 rayonu azad etməklə xalqımızın yeni qələbə səhifəsini açmağı bacardılar.

Bu gün yaşından asılı olmayaraq hər bir azərbaycanlı "Zəfər günü"nə həssaslıqla yanaşır və dərin hörmətlə şəhidləri anır, onların məzarını ziyarət edir. 44 günlük müharibədə döyüşmüş əsgər, zabit heyəti də bu yürüşdə yaxından iştirak edir, şəhid olmuş yoldaşlarının xatirəsini yad edirlər.  Üçüncü minilliyin üçüncü onilliyinə qələbə ilə daxil olan Azərbaycan Respublikası bu zəfəri təntənə ilə qeyd edir. Kədərin və sevincin bərabər paylandığı 8 noyabr xalqımızın yaddaşında "qan yaddaşı" sözünün "zəfər yaddaşı" ilə əvəz olunduğu tarixdir.

Allah şəhidlərimizə rəhmət etsin! 

Qazet.az "Zəfər günü" münasibətilə hazırladığı fotoreportajı sizə təqdim edir: