Zooparkdan qaçdı, bir həftə sonra geri qayıtdı

İsveçin paytaxtı Stokholmdakı zooparkdan qaçan "Sir Vass" adlı nəhəng kral kobra bir həftə sonra geri qayıdıb.

Qazet.az-ın məlumatına görə, Skansen Akvariumunun meneceri Jonas Vahlstrom, "Sir Vass" adlı kral kobranın yuvasına qayıtdığını açıqlayıb.

Vahlstrom qeyd edib ki, kral kobra qaçdıqdan bir həftə sonra öz yuvasına qayıdarkən tapılıb.

İlan oktyabrın 22-də Skansen Açıq Hava Muzeyi zooparkındakı terrariumun tavanındakı işıqlandırma boşluğundan qaçıb.

X-ray cihazları ilə aparılan axtarışlar nəticəsində ilanın yeri həftənin əvvəlində müəyyən edilsə də, kral kobra yenə də izini itirə bilib.