Bakı 27˚C Sunny

"Ceyhun həkimlərin tövsiyələrini dinləmir" - Amaşov

Gündəm 06:00 06 avq, 2022

 Ceyhun Əsgərovun müalicəyə ehtiyacı var və həkimlər onu müalicə etməyə hazırdır.

"Ceyhun həkimlərin tövsiyələrini dinləmir" - Amaşov

“Jurnalist Ceyhun Əsgərovun səhhəti diqqətimizdədir”.

Qazet.az xəbər verir ki, bunu APA-ya açıqlamasında Azərbaycan Mətbuat Şurasının sədri Əflatun Amaşov deyib.

O qeyd edib ki, jurnalist Ceyhun Əsgərov müalicə ilə bağlı Mətbuat Şurasına müraciət edib.

“Sədr müavini Umud Mirzəyev onunla görüşüb. Jurnalistin səhhəti diqqətdə saxlanılır. Bununla bağlı TƏBİB və müvafiq qurumlarla da danışılıb. Keçən dəfə xəstəxanaya yerləşdirildiyi gün iki saat sonra öz istəyi ilə xəstəxanadan çıxdı. Biz də təklif edirik ki, ona müəyyən müddət müalicə lazımdır. Çox təəssüf ki, o, həkimlərin tövsiyələrini dinləmir. Ceyhun Əsgərovun müalicəyə ehtiyacı var və həkimlər onu müalicə etməyə hazırdır", deyə - Əflatun Amaşov bildirib.